Dia 17 di september AWE24.com a publica e siguiente articulo: “Doño di e compania cu ta lease polis di Aruba e helicopter a bay entrega su mes na D.E.A pa narcotrafico.”
Parlamentario drs. Marisol J. Lopez-Tromp a tuma nota di esaki immediatamente y a skirbi 16 pregunta relaciona cu e tema. E preguntanan por escrito aki a wordo manda na Minister di Husticia dhr. R.G. Tjon ariba 18 di september. Mirando e seriedad di e situacion, ta spera un contesta dentro di poco tempo for di nos Minister di Husticia. E preguntanan na Minister di Husticia ta lo siguiente:
- Gobierno por facilita Parlamento e contract entre ex-Minister di Husticia mr. Bikker y e compania cu a lease KPA e helicopter?
- E contracto aki ta vigente ainda?
- Riba e foto por aprecia ex-Minister di Husticia mr. Bikker firmando hunto cu doño di e compania. E persona aki y su compania a pasa den un screening aki na Aruba prome cu a firma e contrato di helicopter pa KPA?
- Si e contesta ta afirmativo, cual organisacion a haci e screening, NCTVI o VDA?
- Tawata tin un destaho publico?
- Tawatin un of mas bufete cu a representa e compania aki na Aruba?
- Si e contrato ta vigente, cuanto placa nos Pueblo ta pagando pe contrato aki te cu awor?
- Por facilita Parlamento e decreto ministerial?
- Con e proceso pa scoge e compania aki a cana?
- Cuanto compania a participa?
- E companianan cu a mustra interes pa participa a wordo yama?
- Con e compania scogi ta wordo paga door di Land Aruba?
- E pagonan segun e leasecontract aki ta sosode via departamento di Finanzas di Gobierno ofa traves di un bufete?
- Con yama e compania cu a lease e helicopter y ken ta(wata) su representante den exterior?
- Kico tawata e exigencianan di e bidding pa cu e servicio di e helicopter di polis ? Cu otro palabra kico tawata rekeri di e helicopter? Cuanto piloto, luznan etc.
- E compania cu a haya e leasecontract ta brinda tur e servicionan aki?
