Dialuna 17 di september a cuminsa e campamento di Rhythmic Gymnastics di Union Panamericana de Gymnasia (UPAG) a cuminsa na Aruba.
E campamento aki ta wordo dirgi pa e expertonan den Rhythmic Gymnastics Liubov Charkashyna y Jenya Tkachenko. Un total di 20 coach y 33 atleta, entre 11 y 13 aña di edad, di Aruba, Bolivia, Brasil, Canadá, Colombia, Costa Rica, República Dominicana, Ecuador, Guatemala, México, Panamá, Paraguay, Perú, PuertoRico, USA y Venezuela ta participando den e campamento.
E union Panamericana de Gymnasia ta e organo oficial di gobierno di gymnastics den e continente Americano.
Den coordinacion cu e Federacionnan Nacional, e Federacion Internacional di Gymnasia (FIG) y PanamSports, e ta establece e normanan di participacion y ta realisa e strategianan di desaroyo y promocion di e disciplinanan cu e Federacion Internacional di Gymnasia ta reconoce.
Perla Gymnastics Aruba, e club cu a cuminsa cu e disciplina di Rhtyhmic Gymnastics na Aruba, ta representando e pais anfitrion durante e campamento internacional aki.
Perla Gymnastics na mas di un ocasion a representa Aruba den diferente ocasion ariba e plataforma internacional lagando Aruba su nomber resona ganando un sin fin di medaya den diferente competencia na Miami, Colombia y Costa Rica, entre otro, den diferente categoria, nivel y disciplina.
