(EFE) – Gobierno di Colombia y Estado Mayor Central (EMC), e disidencia principal di FARC cu a disolve, ta bay construi un mesa di dialogo 8 di october proximo na Tibu, region di Catatumbo, unda tambe ta bay inicia halto al fuego bilateral cu ta bay extende durante 10 luna.
Asina confirma e delegacion di ambos banda ayera den un conferencia di prensa na Suarez, na departamento del Cauca, na unda nan e reuni for di diadomingo ultimo pa avansa den agenda di dialogo y establece acuerdonan como halto al fuego, cu ta bay tin “un duracion di dies luna,” segun Camilo Gonzalez hefe di delegacion di paz di gobierno cu EMC a bisa.
“Paz no ta solamente firma un documento, no ta solamente yega na un declaracion politico of publico, paz ta pa por biba trankilo na teritorionan unda efectonan di guera tin un transcendencia mayor,” hefe di delegacion di EMC, Andrey Avendaño a bisa.
Ademas el a sigura cu “no tin sentido pa nos sinta papia di un acuerdo di paz di 10 aña y despues bisa cu despues di 10 no por haci nada. Akinan e delegacionnan ta bay haci tur esfuerso pa bay dilanti y cu comunidadnan tuma e bandera di paz cu husticia social.”
Gobierno y EMC a acorda un alto al fuego bilateral na comienso di aña cu mester a extende te juni pero a haya desacuerdonan y a ser kibra di forma parcial na mei -prome cu a cumpli e seis luna fiha- den cuatro departamento, despues cu disidencia a asesina cuatro mucha indigena menor di edad cu nan a recluta prome.
Pero esey no tabata e unico desacuerdo entre ambos banda cu a tuma luga, e instalacion di mesa di dialogo tabata planea pa mei, asina e guerrilla a anuncia den un evento pero despues el a ser cancela.
