(NLTimes)—E “Asian Tiger Mosquitoes” a ser mira den ocho di e diesdos provincia Hulandes e zomer aki. E sangura, cual por transmiti malesanan grave pa na hende, a ser descubri den aproximadamente 65 luga den 13 bario residencial, companianan di taira, y centronan di hardin, segun RTL Nieuws ta reporta a base di cifranan for di Nederlandse Voedsel- en Waren Autoriteit (NVWA).
E sangura aki no ta indigena di Hulanda. Originalmente nan ta bin for di paisnan Asiatico den tairanan di auto y cierto mata di bamboo. Awendia, e Tiger Mosquito tambe ta comun den regionnan Mediteraneo, pues nan ta drenta Hulandes tambe via auto- y caravananan cu ta biaha for di e region ey drenta Hulanda.
E sangura por transmiti mas cu 20 malesa contagioso, incluyendo Dengue y Zika. Pero e chens cu esaki ta sosode ta prevenibel, segun Arjan Stroo di NVWA. Pa plama e infeccion, e sangura mester pica un persona infecta y despues un otro. E ora un cantidad grandi di e sangura aki por resulta den un plamamento di un malesa. Pero e insecto no ta aparece na Hulandes riba e scala ey ainda.
E plataforma Stop Invasive Exotics, cual ta monitoriando e desaroyo di sangura exotico na Hulanda pa varios aña, ta di e opinion cu NVWA mester haci mas pa informa hendenan riba vakantie pa preveni cu e insecto drenta Hulanda via nan vehiculo. “Si e Tiger Mosquito establece su mes na Hulanda, lo ta hopi dificil pa combati nan efectivamente,” segun e presidente di e fundacion a conta RTL Nieuws.
NVWA lo publica e cifranan oficial otro aña tocante con hopi di e sangura aki nan a descubri. E autoridad tambe ta monitoria sanguranan Asiatico di boske y sanguranan di “yellow fever”.
