(AP)—Lider di oposicion Ingles, Keir Starmer, a bisa cu e lo busca pa tin un relacion mas fuerte cu Union Europeo, pero e no ta revoca Brexit, si su partido gana e eleccion nacional otro aña.
Votamento di opinion a pone e partido den un avance di 20 punto compara cu e gobierno conservativo, cual actualmente ta den poder desde 2010. Starmer a conta The Financial Times cu e acuerdo di comercio y cooperacion entre Reino Uni y Union Europeo ta demasiado “limita.”
“Nos lo purba haya un acuerdo mas miho pa Reino Uni,” el a bisa, agregando cu e dos bandanan “por tin un relacion di comercio mas cerca tambe.”
E salida di Britania for di UE na 2020 a keda un asunto divisivo den politica Ingles. Starmer a campaña pa keda den e bloc durante e campaña di referendum na 2016. Desde cu el a bira lider di e partido di labor na 2020, el a confirma cu e partido no lo purba reuni cu UE of purba di drenta back den e union di mercado of inmigracion di e bloc, den cual ambos lo pone Reino Uni pa complace su e reglanan di UE. Pero el a bisa cu e lo busca pa fortalece e relacion cu a bira tenso durante e negociacionnan di separacion.
E prome minister, Rishi Sunak, a restaura e relacion entre Reino Uni y UE te na un cierto punto, despues cu esaki a ser destrui pa e antecesornan Boris Johnson y Liz Truss. El a yega na un acuerdo pa resolve e disputo tocante e reglanan di comercio na Norte Irlanda, y a inscribi Britania den e programa di cooperacion cientifico cu UE. Pero Sunak ta un “Brexiteer” comprometi, y e no kier tin un relacion mas fuerte cu e bloc.
Mientras cu e resultadonan di votamento ta aumento e speransa di e su partido pa regresa na poder, Starmer ta haciendo bishitanan internacional cu e meta pa mehora su profiel y conexion prome cu e eleccion nacional na 2024.
E ta espera na Paris diamars pa reuni cu e presidente Frances, Emmanuel Macron. Siman pasa el a biaha bay Den Haag pa discuti e lucha contra gangnan di traficacion di hende cu e agencia policial Europeo, Europool, y el a reuni cu prome minister Canades, Justin Trudeau.
