Wever-Croes y Jacobs, pero no Pisas, ta bayendo ONU cu delegacion di Reino

(CuraçaoChronicle) – Prome minister di Aruba, Evelyn Wever-Croes y di Sint Maarten, Silveria Jacobs ta parti di e delegacion di reino lidera pa prome minister di Hulanda, Mark Rutte cu ta bay participa den e di 78 Asamblea General di Nacionnan Uni na New York diabierna dia 22 di september.

E motibo pakico prome minister di Corsou, Gilmar Pisas no ta bay participa no a keda revela. Esaki ta nifica cu e Secretario di Estado pa Relacionnan di Reino, Alexandra van Huffelen, lo mester bay sin su partner di baile.

Wever-Croes y Jacobs ta bay participa den varios evento organisa durante e siman, enfoca riba educacion, clima, liderazgo femenino y SIDS (Small Island Developing States.) Tambe nan ta bay tene reunion cu coleganan regional y agencianan di ONU.