(NLTimes)—Tin mas studiante internacional cu ta keda traha na Hulanda despues di nan estudio, segun e oficina di estadistica Hulandes (CBS) a reporta. Un tercer (32%) di studiantenan internacional cu a gradua na 2019 a haya trabao na Hulanda na 2020. Den e añanan anterior, esey tabata rond di 20%.
E pandemia di coronavirus kisas a afecta e cifranan aki, como cu e estudio a tuma luga den e aña cu e pandemia a cuminsa y mundo a bay den cuarentena. Pero CBS no por confirma esaki cu confiansa.
Studiantenan internacional cu diplomanan den servicio, ciencia di computer, educacion y tecnologia, en particular, ta keda traha na Hulanda. Casi mita di e studiantenan cu a gradua den e terenonan aki na 2019 a haya trabao na Hulanda un aña despues. Studiantenan di gricultura, arte y periodismo ta menos probabel di keda na Hulanda, cu solamente un kwart trahando den e pais un aña despues di graduacion.
Minister di educacion Robbert Dijkgraaf a yama e hecho cu tin mas studiante internacional cu ta keda bon noticia, debi cu nan ta contribui na e economia Hulandes: “Nos ta desespera pa talento internacional, specialmente den sectornan cu deficit manera tecnologia y IT,” el a conta NOS.
A pesar di e aumento di studiantenan cu ta keda, hopi universidad a keha tocante e limitacion di espacio den e aulanan di lectura. Dijkgraaf ta considerando pa universidadnan duna mas les den Hulandes so. Segun e, esaki lo haci educacion menos atractivo pa studiantenan internacional cu no kier studia e lenguahe pasobra nan ta pensa pa keda.
