(LaPatilla) – Durante e clausura di e XVII Comision Mixta de Alto Nivel China-Venezuela, Maduro a bisa “nos ta bay firma 31 memorandum, 31 acuerdo, pa nan contenido y direccion nos ta organisando un agenda di un epoca nobo di e relacion China-Venezuela basa riba e logronan di epocanan anterior.”
El a continua: “Awe nos ta bay firma 10 documento di prome nivel, ya nos a firma tres documento anterior di cooperacion den varios area di trabao y durante mi bishita di trabao y den e combersacion cu mi ta bay tin cu e presidente Xi Jinping, nos ta bay firma 18 documento di trabao. 31 den total, 31 liña cu ta pinta e etapa nobo.”
Di mesun manera el a agrega: “Nos a firma acuerdonan den tur area: den e areanan di energia, e columna vertebral, petroleo, gas; den e areanan di finanzas; den e area monetario, fortaleciendo e capacidad di e yuan manera moneda internacional; den e area di economia; di comercio; di industria; nos ta firmando documentonan grandi di trabao aworaki den e etapa nobo di vocacion comercial di Venezuela.”
“Den e area di mineria, por fin nos ta bay avansa, mi ta yama tur e empresanan Chino pa traha na Venezuela cu tin e prome reserva di oro, di diamanta, un di e prome reservanan di hero, di aluminium y di coltan; den e area di agricultura, e milager cu ta wordo produci na Venezuela, mi ta bay decreta un zona economico special den e oriente cu nuebe miyon di hectar; den e area di infrastructura; comunicacion y tecnologia digital y e area di turismo, nos mester garantisa e conexion aereo entre China y Venezuela, awe nos ta bay firma e documento di conexion aereo y Venezuela ta prepara pa bula cu su aerolinea bandera, Conviasa, den un vuelo directo pa China,” el a señala.
