(TMZ) – Fanaticonan di NSYNC ta convenci cu un reunion ta na caminda despues di a mira e miembronan na New York y TMZ a reporta cu e grupo lo ta central durante e show.
Justin Timberlake, Joey Fatone y Lance Bass a ser fotografia rond di New York City durante e ultimo 48 oranan, Justin a bay e competencia di tennis U.S Open, Joey a ser mira riba caya y Lance a bay bebe na Manhattan.
Ademas di esaki, JC Chasez a ser mira ta subi su jet priva, via un publicacion riba rednan social for di su manager, aunke no a keda cla unda e ta bayendo. E unico persona cu no a mira den publico ainda ta chris Kirkpatrcik, sinembargo el a publica un tributo riba dialuna y tambe un truck di bombero di NYFD, aunke no a specifica si e mes a saca e potret aki.
Fuentenan cu conocemento directo a conta TMZ cu e grupo lo presenta durante e show riba diamars na Prudential Center na New Jersey pero no ta sigur si nan lo duna un presentacion di nan canticanan. Claramente, otro pista di e reunion ta un cantica cu lo ser lansa via Justin su ultimo pelicula “Trolls” cual tin e prome letter di nan grupo su nomber y un ritmo cu ta pega facil. Aunke e cantica completo te ainda no a ser lansa y tampoco ta conoce e titulo.
Desde VMA’s di aña 2013 e grupo no a duna un presentacion hunto, cual ta nifica cu un reunion awo lo marca e di 10 aniversario di e grupo famoso aki, ken no a lansa cantica nobo desde aña 2000 y su fanaticonan tin hopi tempo ta warda pa un reunion.
E miembronan a pasa door di varios cambio durante e añanan y fanaticonan ta spera cu te ainda nan tin e kimica como grupo.
