(NLTimes) – E persona averahe na Hulanda ta benta mas o menos 33.4 kilogram di cuminda pa aña, segun Together Against Food Waste Foundation. Hopi di e desperdicio aki ta a causa di personanan cu no sa con pa warda nan cuminda.
E sector di catering a logra reduci e desperdicio di cuminda cu 9.2 porciento compara cu aña 2019 segun Rabobank. E consumidornan ta responsabel pa 30 pa 35 porciento di e desperdicio di cuminda na Hulanda. Esaki ta malo pa nan cartera, pues tira afo cuminda ta costa un hogar en averahe 400 euro pa aña. Esaki ta malo tambe pa e clima. “8 pa 10 porciento di e gasnan emiti mundialmente ta relaciona na cuminda cu nos no ta come,” Toine Timmermans di Together Against Food Waste Foundation a conta RTL Nieuws.
Residentenan di Hulanda ya caba a reduci nan desperdicio di cuminda considerablemente. Algun aña atras, desperdicio di cuminda te ainda ta na un averahe di 50 kilogram pa aña. Sinembargo te ainda tin hopi pa traha riba dje. Segun Timmermans, mayoria persona ta altanto cu nan no mester desperdicia cuminda. Esaki ta trata mas tanto tuma accion pa cu esaki, “pan ta loke ta desperdicia mas tanto. 92 porciento di e personanan Hulandes kier desperdicia menos pan,” el a splica. “Tambe nos sa ki pa haci; come sandwich y traha toast cu e pan cu no ta fresco mas. Pero haci esaki ta unda e personanan te ainda tin mester ayudo.”
Riba dialuna, Nutrition Center a lansa un campaña pa informa pueblo na un miho manera con pa warda nan cuminda. Parti di esaki ta pone un sticker pa e frishider, mustrando cual productonan diario mester bay aden y cua productonan mester keda afo. Por ehempel, tomati y cucumber ta dura mas pafo di frishider, mientras cu webonan mester mantene friu.
E sector di catering a haci algun mehoracion den reduccion di desperdicio di cuminda den añanan recien. E aña aki, e sector a benta afo 5 miyon kilogram menos compara cu aña 2019, cual ta un disminucion di 9.2 porciento. Sinembargo, esaki ta nifica cu te ainda tin 55.4 miyon kilogram di cuminda cu ta desperdicia tur aña segun NOS a reporta basa riba investigacion di Rabobank. “Negociantenan den catering ta riba e bon caminda. Hotelnan en particular, ta gastando cada bes menos. Restaurantnan tambe mester pone un poco mas esfuerso den e reduccion di desperdicio.”
E investigadornan di Rabobank ta atribui e disminucion aki den desperdicio na e aumento den gastonan den añanan recien. E negociantenan a busca maneranan pa evita desperdicio di cuminda y asina por spaar placa. Segun e banco, e cuminda cu te ainda ta benta afo despues di kita tur e disminucion, ta yega na un suma total di aproximadamente 647 miyon euro pa aña.
