(CuraçaoChronicle) – Den un comunicado di prensa tocante e problema cu Ennia, Banco Central di Aruba a lansa un atake inespera contra e Banco Central di Corsou y Sint Maarten, acusando cu nan a fracasa den su rol di supervision pa loke ta trata e caso di Ennia.
Cuminsando for di aña 2007, e banco a dicidi di separa Ennia su sucursal na Aruba for di e compania a causa di transaccionnan dudoso y e falta di accion di parti di Banco Central di Corsou y Sint Maarten. “E Banco Central di Aruba ta un regulador estricto y no ta tolera…,” e banco a declara den su respuesta tocante e caso di Ennia na Corsou y Sint Maarten. Den e paisnan aki, Hushang Ansari, e top ehecutivo di Ennia, financieramente a derota e seguro, lagando mas o menos 30,000 persona cu tabatin polisa preocupa cu nan pension.
A causa di Aruba su maneho estricto, e mesun crisis a keda evita pa e personanan sigura cu Ennia na Aruba. A causa di esaki, e Banco Central a enfatisa e importancia di mantene Ennia Aruba fuera di e discusion. Ennia Aruba ta parti di Ennia Group, sinembargo e entidadnan di Aruba ta cumpli cu tur rekisito prudente imponi pa ley y e Banco Central di Aruba.
Desde aña 2013 e declaracion di corte na Oranjestad a laga cla cu tabatin problema cu con Ennia ta maneha su politica di inversion. E director di Ennia Aruba, Roger Schimmel, a trece dilanti su preocupacionnan varios biaha y a informa Banco Central di Aruba den aña 2010 tocante su preocupacionnan pa cu e inversionnan di Ennia Group.
E veredicto particular aki tambe a revela cu inspeccion interno na Ennia to tabata tolera. E acusacion aki ta aplica na henter Ennia Group, cu e distincion cu Banco Central na Oranjestad si a responde na e preocupacionnan di inversionnan inapropia, mientras cu Banco Central di Corsou y Sint Maarten, cual den e tempo aki tabata lidera pa amigo personal di Ansari, Emlsey Tromp, no a haci esaki.
