(AP) – E yobida a pasa, y e tempel a keda kima. Awo, a yega e momento di limpiesa masivo. E organisadornan di Burning Man tin 3 siman pa limpia e restonan di e festival aki na Black Rock Desert, Nevada, sinembargo un tormenta cu a laga miles di persona pega den lodo posiblemente lo afecta e velocidad cu cual lo por logra e limpiesa.
E reunion anual aki, cual a ser lansa na San Francisco Beach den aña 1986, ta atrae casi 80,000 artista, musico y activista na e tereno grandi pa un siman largo di presentacionnan poco usual y campamento. Un di e principionan di Burning Man ta pa no laga atras ningun rasgo, un expectativa cu tur e personanan cu atende lo piki tur cos cu nan a hiba Black Rock City y limpia nan campnan prome cu nan bay.
Sinembargo despues di yobidanan fuerte cu a causa ceramento di caminda, problema den trafico y a forsa varios persona pa cana distancianan largo den lodo, e area awo ta yen di vehiculonan bandona, muebles, tentnan y sushi. Den un aña normal, e area aki ta hopi mas facil pa nabega sinembargo yobida fuerte ta haci hopi mas dificil pa por nabega.
E siman aki, varios di e personanan cu a atende Burning Man a bay aeropuerto na Reno, Nevada pa vuelonan di ultimo momento. CAr Wash hopi biaha a nenga algun vehiculo a causa di demasiado lodo riba nan, segun KTVN-TV na Reno. Tambe tin señal cu den e supermercadonan rond di e area a prohibi benta sushinan di e festival.
Eleonora Segreti, ken ta biba na Italia Central y a haci su di dos bishita na Burning Man, a bay back cas diamars trempan. No laga rasgo atras “ta un principio fuerte,” el a expresa. “E ta trata keda un dia extra pa bo por haci e limpiesa aki, y mayoria persona ta haciendo esaki.”
Sinembargo no ta tur hende ta comparti e sentimento aki, segun Jeffrey Longoria a expresa, bisando cu “hendenan a cuminsa laga rasgo atras. Nan ta lubidando e principionan clave di e kimamento.”
E erosion di e principionan clave aki ta parcialmente a causa di e hecho cu varios di e personanan cu originalmente tabata atende e festival a bira mas bieu y tin un ola di personanan nobo, “e tipo cu tin autonan caro y no ta worry cu e medio ambiente.”
Un permiso duna pa U.S. Bureau of Land Management ta rekeri e organisadornan di Buring Man limpia e area y laga esaki sin sushi despues cu e vehiculonan sali for di e desierto. E organisadornan no a responde inmediatamente na preguntanan pa comentario di The Associated Press tocante con e yobida aki lo afecta e tempo cu e lo tuma pa limpia.
