(CuraçaoChronicle) – Ministerio Publico di Corsou, OM CUR a nota un aumento den e trafico di muchanan entre Venezuela y Corsou, cual a causa un advertencia fuerte contra tur e personanan involucra incluyendo e mayornan pa stop cu e crimen aki.
E muchanan cu ta ser trafica ta di entre 4 pa 15 aña di edad y hopi biaha ta ser trafica riba barconan cu tambe ta carga droga y armanan di candela. E trafico di muchanan aki via e botonan ta posee un riesgo tremendo pa e muchanan. E barconan chikito aki usualmente ta bira durante e biahe, cual por resulta den e hogamento di e muchanan. E hecho cu substancianan ilegal y armanan di candela tambe ta den e barco ta pone e bida di e grupo vulnerabel aki aum mas den riesgo.
OM CUR a adverti e publico cu trafico di muchanan ta un violacion serio di ley, uno cu ta carga castigonan severo. A causa di esaki, e casonan aki no ta ser tuma sin seriedad.
A haci yamado tambe na e comunidad pa permanece vigilante contra e tipo di crimen aki y reporta instancianan na autoridadnan of di adverti otronan di e peliger cu trafico di muchanan ta posee pa e muchanan involucra ademas di sociedad.
