Riba 31 di october 2023, Konseho Sosial-Ekonómiko (SER) a organisa un simposio cu a titula ‘Promoshon di un Merkado Laboral Inklusivo na Kòrsou: Eksplorando Aserkamentunan Inovativo’, den cooperacion cu Organisacion Internashonal di Trabou (ILO), Universidat di Korsou (UoC), Halto Comisariado pa Refugiado di Nacionnan Uni (UNHCR), y Human Rights Defense Curaçao (HRDC). E simposio tabata tin como meta explora un bista inclusivo pa Corsou, na nivel local y den perspectiva internacional mas amplio.

Dr. Francis de Lanoy, Rector Magnificus di UoC, a presenta su bista durante su discurso cu a titula ‘Bridging the Gap between Education and the Labor Market’ (Conecta e Buraco entre Educacion y Mercado Laboral). El a enfatisa cu educacion ta e herment principal pa combati pobresa y reduci desigualdad. Sinembargo, el a menciona e deficiencianan di e sistema educacional actual den promocion di exclusividad. Dr. de Lanoy a duna recomendacionnan valioso, incluyendo e introduccion na gran escala di formacion vocacional den cooperacion cu un agencia di certificacion, subraya e balor di formacionnan vocacional, stimulacion di espirito empresarial tecnico y social, inclusion di empresarionan den desaroyo di un forsa laboral competente, y amplia posibilidadnan di empleo pa graduadonan di formacionnan vocacional dor di un sistema di educacion cu ta enfoca riba competencia y enfatisando aplicacion di habilidadnan di siglo 21. Ademas, e la sugeri pa introduci e asina yama Asociate degree den enseñansa di tercer nivel na Corsou, cual lo contribui na un sistema di educacion cu ta conecta miho cu exigencianan di mercado laboral y cu ta promove exclusividad y igualdad di oportunidad.

Director di HRDC, Sra. Ieteke ‘Inchi’ Witteveen, a enfatisa, durante su intervencion, e fragmentacion existente den maneho di retonan actual y a sugeri un enfoke holistico. E la subraya cu ta crucial pa defini na un manera cla kico Corsou kier como pais y con e lo kier establece un mercado laboral inclusivo. Tambe e la pone enfasis riba e importancia di un mercado laboral inclusivo pa e desaroyo desea, sinembargo mustrando riba e necesidad pa kibra cadenanan di dependencia. E responsabilidad pa esaki no ta solamente di gobierno, pero di tur hende.

E orado principal di e simposio, Sr. John Bliek, specialista mayor den desaroyo empresarial sostenibel pa region di Caribe di ILO, a enfatisa cu e meta di un mercado laboral inclusivo ta pa crea un miho comunidad, caminda migrantenan ta forma un parti integral. El a yama atencion na e retonan cu migrantenan den region di Latino-America y Caribe (LAC) ta confronta, specialmente hende muhe cu hopi biaha ta traha den economia informal of ta den posicionnan vulnerabel riba mercado laboral. El a enfatisa cu e pais huesped mester enfoca riba fomenta habilidadnan di migrantenan, cual ta genera beneficio manera reaccion mas efectivo riba demanda y oferta di mercado laboral, ampliacion di habilidadnan disponibel, y un contribucion positivo na economia ora cu migrantenan ta traha den sector formal.

Sra. Melissa Johns, asesor mayor di desaroyo na e oficina pa e region di Merica di UNHCR, a contribui na e discusion cu informacion fundamental cientificamente y a comparti modelonan exitoso pa un mercado laboral inclusivo for di iniciativanan na Mexico, Brazil, y Ecuador. E modelonan aki a resulta na beneficio di tanto pa migrantenan, manera mas oportunidad di trabou y participacion den sector formal, y tambe na reduccion den nivel di pobresa, como pa e pais huesped, manera un crecemento di actividadnan economico.

Finalmente, Sra. Jeanette Bonet, CEO interino di Curaçao Investment & Export Promotion Agency (CINEX), a acerca e tema central for di un perspectiva empresarial. E la subraya e desaroyo di habilidadnan empresarial y promocion conforme e Strategia Nashonal pa Ekspòrtashon di Kòrsou (NES), cu ta enfoca riba seis pilar economico cu tin como meta un crecemento anual di 5 porshento di e Producto Interno Bruto (PIB) di pais. Den su presentacion e la enfatisa e importancia di crecemento economico y e rol di e espirito empresarial den promocion di un mercado laboral inclusivo. Tambe Sra. Bonet a enfatisa e necesidad di miho coordinacion pa fomenta e espirito empresarial.

E simposio a brinda participantenan e oportunidad pa hiba discusionnan profundo cu e oradonan tocante asuntonan crucial relaciona cu un mercado laboral inclusivo na Corsou.