(AP)—Un oficial Mericano a bisa dialuna cu e lider di Noord Korea, Kim Jong Un, por biaha bay Rusia pa reuni cu Presidente Vladimir Putin mientras cu e Kremlin ta purba di obtene ekipahe militar pa uza den su guera cu Ucrania.
E oficial, ken no tabata autorisa pa adresa e asunto aki publicamente y a papia cu The Associated Press riba condicionnan di anonimidad, a bisa cu Merca ta espera cu Kim lo haci e biahe e luna aki. E oficial a bisa tambe cu Merca no ta sigur exactamente unda of ki ora e reunion lo tuma luga, pero a menciona cu probablemente lo ta den e ciudad di waf di Vladivostok debi na su proximidad cu Noord Korea.
Vocero pa e Conseho di Seguridad Nacional, Adrienne Watson, a nota dialuna cu Minister di Defensa Ruso, Sergei Shoigu, a biaha bay Pyongyang luna pas y a purba di persuadi Noord Korea pa bende municion na Rusia: “Nos tin informacion cu Kim Jong Un ta espera pa e discusionnan aki continua, pa inclui participacion diplomatico na Rusia.”
El a agrega cu Merca ta urgiendo Noord Korea “pa descontinua cu e negociacionnan di arma cu Rusia y obedece na e compromiso publico cu Pyongyang a haci pa no provee of bende arma na Rusia.” Shoigu a bisa dialuna cu e dos paisnan lo tin un interes di guera comun.
The New York Times a reporta cu Kim ta plania pa reuni cu Putin na Rusia e luna aki. E Cas Blanco a bisa siman pasa cu e tabatin inteligencia indicando cu Putin y Kim a intercambia cartanan despues di e bishita di Shoigu. Vocero pa e Conseho di Seguridad Nacional, John, Kirby, a bisa cu e cartanan tabatin “mas na un nivel superficie” pero cu e discusionnan di Rusia y Noord Korea tocante un benta di arma ta avansando.
