(AP)—Aproximadamente 15.000 hende, incluyendo hopi turista, a tira otro cu tomati ayera como parti di e fiesta anual di “Tomatina” unda e bataya di tomati a tuma luga den e cayanan Spaño di e pueblo Buñol.
Trahadonan riba truck a laga 120 ton di tomati hecho riba e caya principal di e pueblo pa participa tira. E bataya di tomati ta laga e caya, casnan na banda como participantenan muha cu pulpa cora.
E ticket pa e festival ta cuminsa na 12 euro. Despues di e bataya, e pueblo ta percura pa e caya- y casnan ser limpia cu awa, y tur pa tur participa tambe limpia nan mes. E festival, cual ta tuma luga tur aña riba e ultimo diaranson di augustus, a ser inspira pa un guera di cuminda entre muchanan local na 1945 den e pueblo, cual ta localisa den e region cu ta produci tomati.
Atencion di media den e añanan 1980 a transforma esaki den un evento nacional y internacional, atrayendo participa for di tur skina di mundo. Participantenan ta uza “goggles” pa proteha nan wowo y mayoria biaha ta bisti un t-shirt y short. E fiesta aki a ser categorisa pa Spaña como un atraccion internacional pa turista.
