(AP) — Elenco di ‘Breaking Bad’ a reuni pa haci un yamado riba estudionan na Hollywood pa reanuda negociacionnan cu actornan di pelicula cu ta den welga.
“Nos kier bo bin back na mesa cu nos,” Bryan Cranston a bisa den un suplica na e Aliansa di Productornan di Pelicula y Television pafo di Sony Pictures Studios diamars.
Cranston tabata uni pa Aaron Paul, Jesse Plemons y otro miembronan di universo ‘Breaking Bad’ den un esfuerso pa duna energia na e protesta mas cu un luna despues cu SAG-AFTRA a join e welga di escritornan di Hollywood. Ambos gremio ta buscando pa adresa asuntonan treci dilanti pa e dominio di servicionan di streaming, cu a cambia tur aspecto di produccion y pago den e industria.
“E manera con cosnan tabata structura 10 aña pasa tabatin hopi sentido y tabata hacie mas posible pa actornan tipo journeymen, actornan memey cu ta trahando mesun of mas duro,” Plemons a bisa.
Pa su temporada final, cual tabata mas cu un decada atras, ‘Breaking Bad’ tabata un di e serienan mas mira y cu mayor audiencia den historia. E serie di AMC a logra popularidad duradero riba Netflix, pero su streanan a bisa cu esaki no ta refleha den nan pago.
“Mi no ta haya un pida for di Netflix pa ‘Breaking Bad’ pa ta completamente honesto y esey ta loco pa mi,” Paul a bisa. “Mi ta kere hopi di e streamernan aki sa cu nan ta ‘get away’ cu no paga hende un salario husto y awo ta ora pa paga.”
Elenco di ‘Better Call Saul’ tambe tabata na e protesta, incluyendo Rhea Seehorn y Patrick Fabian hunto cu co-creador di e serie Peter Gould, kende ta den welga cu e Gremio di Escritor di Merca desde mei.
