Diabierna mainta a drenta informe di un caso di hortamento di gasolin na e pompstation na Tanki Leendert mesora a dirigi un patruya na e sitio.
Na yegada di e patruya a bin compronde cu un dama biba na Nuñe a bira victima di ladronicia di gasolin for di su auto. Desconosidonan a horta e gasolin for di su auto borando e tanki y tuma e gasolin, mainta ora e dama a subi su auto a nota gasolin ta abao y a bay tank na e pompstation mas cercano y a paga 60 Florin (locual e tabata tin den su cartera) y manera el a caba di tank e 60 e ta mira un plas di gasolin bashando for di su auto. Cu ayudo di esnan na e sitio a logra para e bashamento y a avisa polis. Polis a presenta y a tuma e keho di ladronicia y destruccion.
