(AP) — Scooter Braun ta un di e nombernan mas reconoci den industria musical pa su trabao singular como ehecutivo y entrepreneur. El a manage cantidad di bo artistanan faborito, impulsando entre otro Justin Bieber na fama stratosferico, y a ricibi e rabia di Taylor Swift y su fanaticonan pa su practicanan di negoshi.
Diabierna, rumornan a circula online cu Justin Bieber tabata bandonando Braun, su manager di hopi tempo – y e homber credita cu su descubrimento. Den e dianan despues, speculacion a aumenta y noticieronan a cuminsa reporta cu algun di otro cliente di perfil halto di Braun, manera Ariana Grande y Demi Lovato, tambe tabata separando di dje – algo cu ainda no ta confirma.
Braun no a duna un declaracion publico.
AP a tuma contacto cu tur artista lista como siendo maneha bao compania di Braun, SB Projects riba nan website oficial y a tende di apenas algun di nan. Un persona familiar cu e negoshi di SB Projects, anonimo, a bsia AP cu e artistanan den e roster di e compania tin managernan diario cu no ta Braun, y e ta consulta cu nan. E persona a nota cu ningun persona riba su mes lo por maneha e roster di algun di e nombernan mas grandi den musica riba nan mes.
Who has Scooter Braun managed?
De inicio di añanan 2000, Braun a drop out di Emory College pa organisa fiesta pa musiconan elite biahando na Atlanta: Ludacris, Eminem y hasta Britney Spears. Jermaine Dupri a reclut’e pa bira director ehecutivo di marketing pa So So Def. Na 2007 el a cuminsa su propio compania, SB Projects, unda na 2008 el a descubri Justin Bieber.
Braun a opera su companianan bao un entidad yama Ithaca Holdings, y na 2021 a bende esaki na HYBE – e compania publico anteriormente conoci como Big Hit Entertainment, famoso pa a crea e grupo di Kpop BTS – den un acuerdo di $1.05 biyon.
Ora Ithaca Holdings a fusiona cu HYBE na april 2021, el a bira un di e companianan di musica mas grandi na mundo. Apenas algun luna despues, CEO di Big Hit, Bang Si-hyuk a retira, Park Jiwon a tuma over y Lenzo Yoon y Scooter Brown a bira co-CEO di HYBE America. Na januari ultimo el a bira e unico CEO di HYBE America.
Tin speculacion cu si artistanan di Braun ta bandonando management di SB Projects ta pasobra Braun poco poco ta poniendo su enfoke riba HYBE America na lugar di ta un manager di artista. Pero te awo, no tin confirmacion di kico ta pasando.
