Parlamentarionan di oposicion Miguel Mansur (Accion21), Aquanette Gunn (MAS), Ryçond Santos do Nascimento y Gerlien Croes (independiente) a presenta un mocion e siman aki den Parlamento di Aruba pa formalisa nan sosten pa aprobacion di e ley di Reino pa supervision financiero (RAft.)
Sinembargo, manera Mansur a indica na portal online NoticiaCla, e mocion no a keda entrega pasobra presidente di Parlamento, Edgar Vrolijk a cera e reunion rapidamente, loke a stroba oposicion di entrega nan mocion.
E mocion ta “urgi gobierno acorda un ley di Reino pa supervision financiero cu Hulanda pa dia 31 di augustus” proximo, y e cuatro parlamentario a firma esaki.
