(CuraçaoChronicle) – Un encuesta recien ehecuta pa Centro di Conocemento di Corsou, un parti di Universidad di Caribe Hulandes (UDC), ta revela cu Javier Silvania ta e politico mas popular entre votadornan Curasoleño. Un 41% di e encuestadonan a expresa confiansa den Silvania.
Den total, a encuesta 737 votador Curasoleño durante e periodo di 4 pa 21 di juni ultimo. E encuesta tabata enfoca riba preferencia politico, comportamento di votacion den eleccionnan anterior, y escogencianan actual di partido.
E encuesta tambe a evalua e nivel di confiansa cu votadornan tin den varios figura politico. E resultadonan di e encuesta aki a keda compara cu esnan di un encuesta similar cu a haci na september 2020, durante pandemia di 2020.
Tras di Silvania, na segundo lugar ta Rutmilda Larmonie-Cecilia di PNP cu 33 porciento di confiansa, sigui pa Ruisandro Cijntje (PNP) y Sithree van Heydoorn (MFK) cu 27 porciento di confiansa cada un.
Notablemente, prome minister Gilmar Pisas (MFK) ta na di cinco lugar cu 23 porciento di confiansa. E prome ocho lugar tas ocupa pa miembronan di e coalicion actual (MFK-PNP).
E lidernan di e partidonan mas grandi den oposicion (MAN y PAR) a ricibi diesocho porciento (McWilliam) y diescuatro porciento (Girigorie) respectivamente, indicando nivelnan relativamente abao di confiansa.
