(AP)—Un homber di 86 aña acusa di a asumi e identidad di su ruman algun decada atras y a uzando esaki pa haya dobel beneficio a ser condena di varios carga, gara pa tecnologia di reconocemento di cara cu a cuadra e mesun cara na dos diferente identidad, segun autoridadnan ta bisa.
Napoleon Gonzalez, di Etna, a asumi e identidad di su ruman na aña 1965, 25 aña despues cu su ruman ora e tabata baby, y a uza e identidad horta aki pa obtene beneficionan si Seguridad Social bao ambos identidad, varios paspoort y carchi di identificacion, segun oficialnan a bisa. E hurado di corte di districto na Bangor a conden’e di carganan incluyendo fraude di post, fraude di Seguridad Social, fraude di paspoort y hortamento di identidad. E ta enfrenta te cu 20 aña den prizon, cu fraude di post cargando e posibel castigo mas grandi compara cu tur e otronan.
Su abogado a bisa diamars cu e tin e intencion pa apela y lo busca ayudo pa mantene Gonzalez for di prizon te ora cu e Prome Corte di Apelacion Mericano publica un huicio. E beneficionan di Gonzalez a ser investiga caba pa e Administracion di Seguridad Social na 2010 pa un posibel caso di fraude y su beneficionan a ser confirma. A lansa un investigacion nobo na 2020 despues cu un software di reconocemento di cara a indica cu Gonzalez su cara tabata riba dos carchi di identificacion.
E tecnologia di reconocemento aki ta uza pa e Bureau di Vehiculonan di Motor na Maine pa sigura cu ningun hende tin varios cualificacion, of cualificacionnan bao di un otro nomber, segun Emily Cook, vocero pa e oficina di secretario di estado, a bisa. “Ora fraude ser detecta, e transaccionnan falso ta wordo investiga y referi pa procedementonan administrativo of criminal. Esey a pasa cu e caso aki,” el a bisa.
Ora a confronta Gozalez cu a acusacion, e homber a bisa cu el a asumi e identidad di su ruman bao direccion di e Oficina di Investigacion Special di Forsa Aereo mientras cu e tabata participa den un operacion secreto den añanan 1960, segun documentonan di corte. Despues el a admiti cu el a falsifica su morto bao di su mesun identidad y a continua cu esun di su ruman, e documentonan a indica.
Ainda no a plania un fecha di sentencia pa Gonzalez, ken ainda ta liber. Su abogado, Harris Mattson, a bisa cu e no ta kere gobierno a aproba tur e elementonan di e varios conteo contra su cliente, y el a cuestiona e sabiduria di un sentencia largo pa su cliente cu ya ta den un edad avansa.
Mattson a bisa cu ta ironico cu e costo pa encarcela su cliente ta mas cu e costo di e beneficionan dobel cu e ta ricibiendo. “Na e edad di 86, el no sa con largo e lo sigui biba. E por ta den prizon pa e resto di su bisa,” Mattson a bisa.
