(NLTimes) – Prijs di casnan ocupa pa e doño a aumenta levemente luna pasa compara cu juni, segun CBS Hulanda a reporta. Tabata un aumento di 0.5 porciento na juli despues cu prijs tambe a aumenta un tiki a base mensual na juni cu 0.2 porciento.
Esaki ta nifica cu prijs di cas na Hulanda a recupera un poco despues di lunanan di caida.
Compara cu juli di aña pasa, prijs ainda tabata 5.5% menos luna pasa. Otro factor ta cu prijs di vivienda a peak aña pasa, despues di cual e casnan rapidamente a bira mas barata. Cifranan di CBS tambe ta mustra cu 9 porciento menos cas a cambia di doño luna pasa compara cu e mesun luna di aña pasa.
Segun cifranan di Asociacion Hulandes di Realtor (NVM), un cas ocupa pa e doño ta costa un averahe di 410mil euro den segundo kwartaal, 2.8 porciento mas cu den prome tres luna di 2023. Esaki tabata casi 9 porciento menos cu un aña prome.
