(El Tiempo) – Segun Centro Nacional di Horcan (NHC na Ingles) Unidad Nacional pa Gestion di Riesgo di Desasternan (UNGRD) ta adverti cu e perturbacion na lama Caribe a bira e tormenta Franklin.
“Nos ta activa e Plan Nacional di Respuesta pa Ciclon Tropical. Nos ta keda atento pasobra na nort di teritorio Colombiano ta pronostica yobidanan intenso den proximo oranan, specialmente na La Goajira y gran parti di region Caribe,” Olmedo Lopez, director general di UNGRD a bisa.
For di diadomingo ultimo tabatin pronostica yobidanan modera pa nivel fuerte na departamentonan di La Guajira, Magdalena, Atlántico, Cesar, Bolívar, Sucre, Chocó, Antioquia y Santander.
Segun UNGRD a recomenda na autoridadnan pa activa e protocolnan, plan di respuesta y contingencia, accionnan di siguimento y vigilancia den funcion di prevencion pa alistamento debi na un posibel aumento di awaseronan y olanan.
Na Sierra Nevada di Santa Marta, na golfo di Uraba, zona nort di e region Andino y La Guajira tin un riesgo mayor di movemento, pa inundacionnan y tormenta electrico.
Di acuerdo cu loke rapportnan a indica, Franklin ta supone di atravesa e centro di lama Caribe den oranan di marduga di awe diamars 22 di augustus y despues ta bay caminda na nort cu lo por afecta Republica Dominicana y Haiti.
Na Colombia e tormenta tropical Franklin por genera formacion di sistemanan di nubia y tormentanan electrico na region di Caribe,Andino y Pacifico. Na zona costero mester tin precaucion pa olanan. Pa dia 22 y 23 ta calcula cu e olanan por surpasa e nivel di 3.9 meter.
Autoridadnan ta recomenda pa mantene alerta e protocolnan, plan di contingencia y tur accion di siguimento y vigilancia den funcion di prevencion debi na actividadnan maritimo, specialmente pa botonan cu ta cumpli cu labor di piscamento y di transporte turistico na departamentonan di La Goajira, Magdalena, Sucre, Cordoba, Cesar y Antoiquia.
