(CuraçaoChronicle) – Segun minister di Finanzas di Corsou, Javier Silvania, e tamaño di e portfolio di colecta ta sirbi como un indicador di efectividad di Autoridad di Impuesto. Un crecemento consistente den e portfolio di colecta ta nifica control inadecua riba procesonan interno.
E minister ta bisa cu solamente door di colaboracion entre tur segmento di Autoridad di Impuesto por logra un reduccion anual di 10% den e portfolio di colecta (exluyendo migracion di fuentenan nobo y cleanup inicial na comienso di 2023.)
E tamaño di e portfolio di colecta activo a reduci significantemente e aña aki door di ahustenan di politica di colecta relaciona cu evaluacionnan pa aña di impuesto 2017 y anterior. Ta crucial pa sigura cu e portfolio di colecta no ta aumenta den tamaño atrobe. Por logra esaki en parti door di un combinacion di medida cu ta bay implementa for di dia 1 di september, incluyendo expansion den cantidad di colector, redistribucion di portfolio di cliente cu enfoke riba priorisa colecta di pagador di impuesto comercial, y introduccion di dashboard pa asisti colector y deurwaarde pa duna prioridad na accion di colecta.
Adicionalmente ta di gran importancia pa Autoridad di Impuesto opera mas como un organisacion unifica.
Si un colector di debe ta determina cu un negoshi no ta existi mas, esaki mester sirbi como indicacion pa inspector stop di emiti evaluacionnan (calculacion). Ora entrega un obhecion cerca e inspector, esaki mester señala na e colector pa stop su accionnan di colecta te ora cu resolve e obhecion.
Actualmente ta preparando e implementacion di e medidanan aki y algun otro.
