Colombia: Un brug riba ruta alternativa pa e Llano a cay den otro

(Infobae)—E brug Los Grillos, cual ta parti di e crusada Cusiana na e localisacion di Pajarito y ta conecta e departamento di Boyacá pa Canare, a cay den otro. E structura e split den mita, segun potretnan di residentenan local a mustra. Esaki lo complica mas e mobilidad y comunicacion cu e llanos den parti oost.

Gobernador di Casanre, Salomón Sanabria, a confirma e collapse di e structura. E brug ta situa riba e caminda di Sogamoso-Aguazul, un area cu a ser afecta pa derumbenan den e ultimo dianan. Segun e Institucion Nacional di Caretera (Invías), e structura a cay den otro pa via di e actividadnan sismico recien den e piedemonte llanero, cual a causa fayonan y kiebronan den un di e seccionnan.

E brug di Los Grillos tabata uza como un ruta alternativa pa e Llano debi na e clausura di e caminda principal. Sinembargo, pa via di e derumbenan recien, a cera e brug tambe. Hasta e brug di Quebrada Negra a cera dia 15 di augustus debi na erosion.

Segun Sanabria, e daño riba e caminda ta afecta 460.000 residente di e departamento di Casanare cu ta depende riba e caminda pa nan manera di biba. El a adverti cu e consecuencianan ta extendi pa Meta, Boyacá y Arauce, cual a ser afecta caba pa derumbenan den pasado.

E Ministerio di Comercio a reporta cu no tin ningun hende cu a fayece of a sali herida pa via di e emergencia, como cu e corridor entre El Crucero y Aguazul tabata cera den e area di Los Grillos pa via di e collapse di Quebrada Negra.

E cera e corridor completamente desde 15 di augustus ora autoridadnan a conduci un inspeccion tecnico di e Quebrada Negra riba e crusada di Cusiana. A conclui cu e structura no por ser uza pasobra el a perde su tera cu na tur dos banda pa via di e derumbenan.

Desde e tempo ey, e posibilidad pa instala un brug provisional a ser evalua. Sinembargo, diadomingo mainta, e situacion a empeora pa via di e collapse di e segunda brug di Los Grillos, un di e corridor mas largo.

E reisgonan di e structuranan aki tabata conoci desde november 2022, ora Invías a indica cu tabatin “presion di sero” cu ta afecta e brugnan di Chorroblanco, Puente Nuevo y Los Grillos riba e crusada Cusiana.

E tempo ey, un plan di mitigacion cu un iversion di 5 biyon peso a ser anuncia pa conduci trabaonan di drenahe riba e tera pa preveni derumbe, cambio den sosten y instalacion di junta pa expansion, cual awo ta bao cuestionamento pa nan efectividad.