(LaPatilla) – Venezuela ta haciendo un ultimo intento pa limita e cantidad di compania cu por participa den un findishi ordena pa un tribunal di accion den un matriz di e refineria Citgo Petroleum, apelando den Corte Supremo Mericano pa revoca e veredicto di un tribunal inferior.
Alrededor di dos decena di compania, incluyendo ConocoPhilips, Exxon Mobil y Tenaris SA ta busca pa satisface e demandanan contra Venezuela of e petrolero estatal Pdvsa a traves di e benta di accionnan den Pdv Holding, un di e empresanan matriz di Citgo. Alrededor di 20mil miyon dollar den reclamo ta pendiente.
E decision di e tribunal di prome instancia cu Pdvsa ta e “alter ego” di Venezuela “ta crea un riesgo hopi real cu e principal activo di e peticionario Pdvsa na Merca – e accionnan mediante cual ta propietario indirecto di 100% di Citgo Petroleum Corporation – lo ser bendi proximo berano,” segun e peticion di diaranson.
E peticion di Venezuela ta pidi Corte Supremo pa determina cu e decision di e “alter ego” di e corte inferior tabata defectuoso. E di Tres Circuito a confirma luna pasa un veredicto cu a habri caminda pa seis empresa entrega reclamo pa un total di 3.4 miyon dollar den un demanda andando.
E peticion ta un posibilidad remoto cu alrededor di 90% di solicitudnan asina rechasa pa e tribunal. E no ta afecta e caso contra Venezuela presenta pa e minera Crystallex International, cual su reclamo di 970 miyon dollar a hiba na e propuesta di bende accion den findishi.
E peticion ta busca pa e escritonan keda presenta prome cu dia 15 di september, net prome cu e inicio di e findishi proponi.
