(AP)—E fiscal di Georgia, ken a obtene un acusacion formal e siman aki contra ex-presidente di Merca Donal Trump y 19 otro, kier hiba e caso den proceso na maart 2024.
E Abogado di Districto di Fulton, Fani Willis, a bisa ayera den un propuesta pa un mandato di schedule entrega na corte cu e kier pa e proceso di huicio cuminsa dia 4 di maart. Tambe e ta propone pa areglonan ser haci pa e acusado den e siman di 5 di september.
Trump y 18 otro persona a ser acusa dialuna pa un hurado grandi di Fulton County. Nan a ser acusa di comete varios crimen como parti di un skema pa mantene Trump den poder despues di su perdida na e eleccion di 2020 contra Democratico Joe Biden.
Trump ta plania pa aparece dilanti hues na maart den un caso separa envolviendo decenas di carganan di estado pa falsificacion di historia di empresa den conexion cu un supuesto pago di “hush money” na un actor di peliculanan pornografico. E ta plania pa aparece dilanti hues na mei den e caso federal treci dilanti pa consehal special, Jack Smith, cual a acusa Trump di keda cu documentonan clasifica na su cas na Mar-a-Lago y pa stroba esfuerso di gobierno pa trece nan back.
E team di Smith a entrega un peticion pa por plania e huicio di e caso federal tocante e esfuersonan di e ex-presidente pa anula e eleccion pa dia 2 di januari otro aña.
