Dia di Independencia na India ta un dia festivo nacional celebra tur aña riba dia 15 di augustus. Dia di Independencia ta marca e fin di dominio Britanico na 1947, cu e introduccion di e Acta di Independencia Indio riba dia 18 di juli di e aña aki, y e establecemento di un nacion Indio liber y independiente.
E dia aki tambe ta marca e aniversario di e particion di e subcontinente den dos pais, India y Pakistan, cual a tuma lugar mey anochi riba dia 14-15 di augustus, 1947. Na Pakistan, ta celebra Dia di Independencia riba dia 14 di augustus.
Dominio Britanico na India a cuminsa na 1757, tempo cu despues di e victoria Britanico na e Bataya di Plassey, e East India Company Ingles a cuminsa eherce control riba e pais. East India Company a goberna India pa 100 aña, te cu a keda reemplasa pa gobierno directo Britanico – hopi biaha referi como e Raj Britanico – despues di e Mutinio Indio di 1857-58.
Movemento di independencia na India a cuminsa durante Prome Guera Mundial y tabata lidera pa Mohandas K. Gandhi, kende a boga pa un fin pacifico y no-violento di e dominio Britanico.
Dia di Independencia ta celebra na henter e pais cu ceremonia di hisamento di bandera, despliegue militar, y e canto di e himno nacional Indio. Adicionalmente, varios programa cultural ta disponible na e capitalnan estatal.
Despues cu prome minister ta participa den e ceremonia di hisamento di bandera na e monumento historico Red Fort na Old Delhi, ta sigui un parada cu miembronan di forsanan arma y polis. E prome minister e ora ta dirigi su mes na e nacion via television, recordando e logronan mayor di India durante e aña cu a pasa y delineando reto y metanan futuro.
Bulamento di fli tambe a bira un tradicion di Dia di Independencia, cu fli di varios tamaño, forma y color yenando shelo. Tambe pa conmemora e dia, oficinanan di gobierno na New Delhi ta keda cendi durante e dia festivo, maske nan ta cera.
Bandera di India
E tricolor Indio a ser crea pa Pingali Venkayya, un luchador pa libertad y siguidor di Mahatma Ghandi. E unico materialnan usa pa crea e bandera nacional ta catuna hila y cosi na man. E banchi ariba, cu ta di color saffron, ta simbolisa e fortitud y balor di e nacion; esun memey, cual ta blanco, tin e Dharma Chakra; y esun abao, cu ta berde, ta mustra e fertilidad, crecemento y bon suerte di e nacion.
E aña aki, India ta celebrando e di 76 aniversario di su independencia, cu e tema “Nacion prome, semper prome.” E tema aki ta den linea cu e enfoke di gobierno riba unidad nacional y desaroyo. E dia a cuminsa cu e hisamento di e bandera nacional, sigui pa e parada y programa cultural.
E dia aki ta un fecha importante pa India, e ta un momento pa reflexiona riba e caminda cu e pais a cana desde independencia y pa re-compromete na e balornan di libertad, democracia y igualdad.
Tambe ta un momento pa celebra diversidad y union di e nacion Indio.
