Diasabra ultimo, bario di Pos Chikito a haya su mes confronta cu un interupcion di coriente cu a dura varios ora. Segun Elmar NV a publica riba su pagina di Facebook, e causa di esaki tabata daño na switchnan di alto tension door di humedad door di yobida.
Pa alrededor di 12:45 a circula informacion cu tabata confrontando un interupcion di servicio di coriente na Pos Chikito den e area di Betonicastraat, Maxwellstraat y Spaans Lagoenweg. Elmar a informa cu e causa ta un fayo riba un kabel subteraneo, unda tambe a confronta un problema den e distribucion di coriente den e area aki. Tecniconan di Elmar tabata atendiendo cu esaki.
Alabes na e area di Hooiberg y vecindario tambe tabatin un interupcion di coriente, unda e causa tabata un truck cu a pasa ranca waya di alto tension.
“E causa ta yobida cu por ocasiona interupcion di coriente,” segun Elmar a informa. “Debi na posibilidad di daño na switchnan di alto tension door di humedad, door cu e mata ta bira pisa door di e yobida y e ta press riba e waya te ora e kibra of otro. Den e caso di situacion na Pos Chikito actualmente ta door di daño na switchnan door di humedad.”
Pa alrededor di 4:34pm a reestablece e servicio di coriente na mayoria di e areanan afecta.
