Gobierno Hulandes kier liberalisa servicio di trein; NS lo perde monopolio riba rutanan internacional

(NLTimes)—Gobierno Hulandes ta tumando un otro stap den liberalisacion di e mercado di trein. Den e concesion nobo, NS lo perde e derecho exclusivo den destinacionnan internacional manera London, Paris y Berlin. E Gabinete tambe lo duna e compania di trein permiso pa introduci un prijs pa spitsuur na 2025. Esey ta e resultado di negociacion entre NS y e Ministerio di Infrastructura y Maneho di Awa riba e concesion mayor di spoor, e permiso pa uza mayoria di e railnan, segun un fuente a conta De Volkskrant.

Den e concesion nobo, e Gabinete lo acomoda NS riba casi tur punto cu e excepcion pa e rutanan internacional. Actualmente NS ta e unico compania permiti pa core trein for di Hulanda pa London, Brussels, Paris, Frankfurt y Berlin. For di 2025, sinembargo, NS lo perde e derecho exclusivo pa tur e destinacionnan ey cu e excepcion di Brussels.

Otro compania di transporte lo celebra tur punto. Arriva y Qbuzz ya a entrega nan aplicacion pa opera trein pa Paris y Berlin, entre otro. E decision mas controversial den e contract ta e permiso pa introduci un cobramento durante spitsuur. NS tin añas ta pushando pa esaki. Luna pasa, CEO di NS, Wouter Koolmees, atrobe a pidi pa haci ticketnan durante spitsuur mas caro y reduci e prijs pa core pafo di spitsuur.

E concesion no ta bisa ainda cual condicion e cobramento extra lo mester cumpli cune. E concesion nobo lo core for di 2025 pa 2033. Secretaria di Estado, Vivianne Heijnen di Transporte Publico, a priminti pa manda e concesion na parlamentario pa fin di luna. E parlamentario lo discuti esaki e ora fin di september. E cobramento durante spitsuur probablemente lo ta un punto di aprobacion. Pasaheronan si trein ta contra esaki, y parlamentario e rechasa propuestanan anterior pa asina un cambio na 2010 y 2017, segun e corant.

E hecho cu e Gabinete Hulandes ta regalando NS e concesion mes ta controversial. E competencia di e compania a lanta varios caso contra e premio, acusando e gobierno di viola e regla di competencia di Union Europeo. E Comision Europeo ta di acuerdo y a cuminsa procedemento criminal contra Hulanda.