(AP) – E Cas Blanco riba diamars a organisa su prome reunion tocante siguridad cibernetico tocante e atakenan di ransomware, secuestro di dato, cu ta plamando den scolnan Mericano, den cual e criminalnan ta horta data sensitivo di e studiantenan maner recordnan medico, evaluacionnan psikiatrico y te hasta reportahenan di asalto sexual.
“Si nos kier salvaguardia nos muchanan su futuro nos mester proteha nan data personal,” Jill Biden, ken ta un docente, a expresa. “Tur studiante ta merece e oportunidad di mira un consehero na scol ora cu nan ta lidiando cu problema sin e preocupacion cu e combersacionnan aki lo keda comparti cu henter mundo.”
Por lo menos 48 districto a ricibi golpi di ransomware e aña aki, ya caba mas di 3 den aña 2022, segun agencia di siguridad cibernetico Emsisoft. Tur ademas di 10 data a ser horta, e agencia a reporta. Tipicamente, gangnan Ruso ta horta e data, hopi biaha incluyendo persoonsnummer y data financiero di e empleadonan di e districto, prome cu nan ta menasa di publica esaki online almenos cu paga cu criptomoneda.
“Aña escolar ultimo, scolnan na Arizona, California, Washington, Massachusetts, West Virginia, Minnesota, New Hampshire y Michigan tur tabata victima di atakenan cibernetico grandi,” e diputado nacional Anne Neuberger a declara na e reunion.
Un reportahe publica den october di aña 2022 ehecuta pa Government Accountability Office, cual un agencia vigilante federal a haya cu mas di 1.2 miyon studiante a keda afecta den 2020 so, cu perdida den dianan pa bay scol di 3 dia pa 3 siman. Casi 1 den cada 3 districto na Merca a experiencia un atake similar pa fin di aña 2021 segun un encuesta di Center for Internet Securiity, un agencia funda federalmente.
