(AP) – Lidernan a reuni pa prome biaha den 14 aña pa yega na un punto comun entre motiva desaroyo economico y proteha e ecosistema vital pa e lucha contra cambio di clima.
Den reunionnan diaranson y diamars den e ciudad di Brazil yama Belem tabatin e miembronan di Amazon Cooperation Treaty Organization, un aliansa di 45 aña cu a reuni solamente 3 biaha. Brazil su president Luiz Inacio Lula da Silva a bisa cu e ta spera cu e reunion aki lo causa cu lo cuminsa tuma accion efectivo.
“Nunca tabata asina urgente reuni y expande e cooperacion aki. E desafio di nos era ta e oportunidad cu ta presenta y exigi accion den union,” Lula a expresa na comienso di e evento diamars mainta. Amazon ta cubri un area cu ta dobel e tamaño di India, y dos tercer parti di esaki ta keda den Brazil. 7 otro pais y un teritorio ta comparti e resto. Presidentnan di Colombia, Peru y Bolivia tambe lo asisti, ademas di Guyana su Prome Minister, Vice Presidente di Venezuela y e Ministernan di asuntonan den exterior di Suriname y Ecuador.
Destruccion masivo di Amazon ta un desaster den clima y tur pais na e reunion a ratifica e acuerdo di Paris di clima, cual ta rekeri pa crea metanan pa reduci e emicion di gas.
Un di e problemanan den e agenda ta crimen organisa. Tiki areanan di e frontera tin politicanan serio y tin tiki cooperacion internacional mientras rivalnan ta competi pa rutanan di trafico di droga. Confiscacion di droga a aumenta den Colombia, Brazil, Bolivia y Peru durante e ultimo decada, segun UNODC a reporta den juni.
Esaki ta Lula su di dos intento di forma un bloke di Amazon. El a purba tambe durante un reunion cu a organisa den aña 2009, durante su prome presidencia, sinembargo solamente un otro president a uni den e tempo ey.
