(Infobae)—Desde cu Gustavo Petro a tuma oficina como Presidente, e percepcion di insiguridad a aumenta den e ciudadnan mas grandi di e pais. Ciudadnan manera Bogotá, Medellín, Cali, y Barranquilla tambe tin un aumento den actividadnan criminal manera hortamento.
Segun un rapport presenta pa Fundacion Paz y Reconciliacion (Pares) riba e prome 12 luna di Petro su gobierno, e ciudadnan unda homicidio mas ta tuma luga tabata Bogotá (1,545), Cali (1,496), Medellín (548), Cartagena (537), y Barranquilla (524). Sinembargo, e NGO a indica cu mientras e impactonan di un politica di estado ta ser midi den plaso largo, evaluando e comportamentonan aki ta importante” pa compronde e incidencia pa accion inmediato pa contene e fenomeno.”
Tambe a subraya e procesonan di paz den areanan urbano den tres area, esta Quibdó, Medellín, y Buenaventura. E ultimo dos ciudadnan a experencia un reduccion di 18.9% y 13.9% respectivamente den e prome mita di 2023 compara cu e mesun periodo aña pasa. Aunke e cifranan pa e administracion actual ta faborabel, nan ta “varia hopi” depende e framework legal pa e procesonan di entrega.
Figuranan di Bogotá
Segun Pares, tabatin un aumento di 10.9% den casonan di homicidio den e ciudad capital entre januari y juni 2023 compara cu e mesun periodo na 2022. E prome kwartaal di aña aki, e ciudad tabatin e cantidad mas halto di incidentenan di menasa cu 23.459, sigui pa Cali cu 6.975.
Pa loke ta trata hortamento personal, e rapport a indica cu esaki ta e crimen cu mas ta impacta e percepcion di e poblacion riba insiguridad. “Desde e comienso di e administracion di Petro, tin un aumento skerpi den casonan di hortamento, yegando su punto mas halto na october 2022” cu un acumulacion mensual halto compara cu e lunanan prome cu esey.
Den e contexto aki, Bogotá atrobe ta sali prome riba lista cu 209.670 incidente, sigui pa Medellin cu 43.639 y Cali cu 36.648. Den e prome mita di 2023, segun Pares, tabatin un periodo di normalisacion evidente marca pa un averahe mensual di 30.000 caso, hopi mas halto cu e incidentenan cu a tuma luga den e mesun periodo un aña prome.
Secuestramento tambe a revela figuranan preocupante: compara cu e prome mita di 2022, tabatin un aumento di 116.3% den e mesun periodo di 2023, cu efectonan mas grandi den areanan urbano (116%) compara cu areanan rural (67%).
Medellín, Bogotá, Cúcuta, y Cartagena tabatin e ciudadnan cu e cantidad mas halto di e crimen aki, mustrando un aumento entre 80 y 135%. Mirando e cifranan aki, Pares ta yama pa monitoria e evolucion di e comportamento aki den areanan urbano, considerando cu e lo un di e fuentenan mayor di financiamento pa gruponan di crimen organisa.
