(msn.com) – Ex-casa di Joran van der Sloot ta spera di distancia su mes – y nan yiu muhe – for di e homber cu el a conoce mientras e tabata traha na un prison Peruano, door di tuma stapnan pa cambia e fam di su yiu pa proteg’e.
Leidy Figueroa a casa cu Van der Sloot mientras e tabata cumpliendo un sentencia di 28 aña na Peru. E pareha tabata permiti bishita conyugal, y Leidy a duna luz na un yiu muhe, Dusha Trudie van der Sloot, na 2014.
Pero awo, Figueroa no kier tin nada mas di haci cu su ex-casa, kende a entreg’e papelnan di divorcio aña pasa. “E no kier pa nomber [di Van der Sloot] persigui su yiu muhe,” un representante di e famia a bisa The Messenger in Spanish. “Pues e ta bay kita ‘van der Sloot’ for di nomber di su yiu.”
Van der Sloot, 36, anda ta e sospechoso principal den e desaparicion di adolescente Mericano, Natalee Holloway, kende a desaparece mientras e tabata di vakantie na Aruba na 2005.
A mira Holloway pa ultimo biaha cu Van der Sloot y otro dos adolescente dia 31 di mei 2005. Ora e no a bolbe su hotel e anochi ey, autoridadnan Arubano a cuminsa un buskeda exhaustivo riba e isla. Nunca a hay’e.
Cinco aña despues, a acusa Van der Sloot di asesina studiante di negoshi Peruano, Stephany Flores despues di descubri un laptop cu el a usa pa busca informacion tocante e caso Holloway. El a keda setnencia cu 28 aña na Prison Miguel Castro na Lima, Peru. Tabata eynan unda el a conoce Figueroa, kende tabata bende mangel y sigaria na e prison.
Mei ultimo a bira conoci a traves di su abogado, Maximo Altez, cu Van der Sloot a pidi divorcio na Figueroa na 2022. Altez a bisa cu Figueroa a bira hopi rabia ora el a haya sa di e divorcio. E romance di e pareha, segun un articulo den The Daily Mail, a cuminsa fracasa na 2020 despues cu a acusa Van der Sloot di trece droga den prison cu un amiga, Eva Pacohuanaco, 24, segun Altez. “Leidy a continua bishitando e pa un tempo,” e abogado a agrega. “Joran tabatin cantidad di muhe… hopi muhe tabata bishit’e… pero Leidy tabata esun mas leal.”
