(NLTimes)—Ministerio Publico (OM) no lo procesa cuatro miembro di e Amsterdam Student Corps (ASC) of e asociacion mes pa yama hende muhe “cum buckets” y “hoeren” durante un cena di hende homber aña pasa. E misoginia a “surpasa standardnan di decencia”, pero “esaki no ta haci’e castigabel,” segun OM a declara diaranson.
Un hende muhe a lanta caso contra ASC y cuatro miembro, acusando nan di incitacion di odio, discriminacion y violencia contra hende muhe pa via di discursonan haci durante un “cena di homber” na juli aña pasa.
“OM a test e cuatro declaracion pa cual a entrega un reportahe pa responsabilidad criminal pa insultonan di grupo y incitacion di odio, discriminacion y violencia.” Den dos di e cuatro declaracion aki, miembronan di ASC a yama hende muhe “hoeren” y “cum buckets.” E otro declaracion tabata cu “hombernan mester kibra nek di hende muhe pa asina por tin relacion sexual” y cu “hende muhe ta nada pero nada mas cu puta.”
Segun OM, e insulto di grupo debi na genero no ta un ofensa criminal—genero no ta menciona den e articulo di ley relata na insulto di grupo. “Ademas, den e perspectiva di OM, e declaracionnan legalmente no ta incita odio, discriminacion of violencia,” segun OM. “P’esey OM a rechasa e cargonan.”
OM a bisa cu e ta compronde cu “un cantidad di hende ta sinti ofendi pa e remarconan aki” y cu “e declaracionnan aki por ser considera como indeseabel y inaceptabel.” Pero esey no ta haci’e un ofensa criminal,” segun OM.
