(AP)—Forsa policial Colombiano a detene e yiu homber di e presidente diasabra como parti di un investigacion di halto profiel riba labamento di placa den fondonan cu el a supuestamente colecta for di narcotraficantenan durante e campaña presidencial aña pasa.
Presidente Gustavo Petro, un ex-rebelion ken a avansa via e rangonan politico na Colombia como un lider anticorupcion, a bisa cu e no lo stroba e investigacion. “Como un individual y un tata, ta duel mi pa mira asina hopi autodestruccion y un di mi yiu homber bayendo prizon,” Petro a bisa mainta trempan via X, e plataforma red social anteriormente conoci como Twitter. “Como presidente di e republica, mi a sigura e oficina di fiscal cu e lo tin tur garantia pa asina avansa den cuadra cu e ley.”
E detencion di Nicolas Petro a dal e gobierno fuerte, cual ya ta haya atakenan pa conservativonan desde e prome dia cu a drenta oficina gubermental durante un tempo cu e tabata experenciando dificultad pa mantene sosten “bipartisan” pa Colombia na Merca, un aliado den e guera riba droga y combate contra gruponan arma ilegal.
E investigacion ta bini for di declaracionnan sorprendente haci pa e ex-casa di Nicolas Petro, Daysuris del Carmen Vasquez, pa medio di comunicacion Semana na comienso si aña.
Den e entrevista, Vasquez a detaya con e tabata presente den reunionnan ora su casa a regla un donacion di mas cu 600 miyon pesos (150.000 dollar) for di un politico cual a haya conviccion na Washington riba carganan di narcotraficacion y ken tabata buscando apoyo for di e campaña di Petro pa resumi su carera politico.
El a bisa cu Presidente Petro no tabata sa di e areglonan di su yiu y e placa cu el a colecta den nomber di su campaña a ser scondi den un kluis den e cas di e pareha na Baranquilla.
Nicolas Petro a nenga e declaracionnan di su ex-casa y a bisa cu esakinan no tin base. E Oficina di Fiscal a bisa den un declaracion cu Nicolas Petro y su ex-casa a ser tuma den costudia riba orden di un corte na Bogota rond di 6or di mainta diasabra. El a bisa cu un bes cu a trec’e dilanti hues, fiscalnan por a pidi pa detencion provisional mientras nan ta investiga ambos sospechoso den e caso di labamento di placa.
