(AP) – Un impasse na Nacionnan Uni tocante frontera cu Siria su ultimo parti domina pa rebeldenan ta poniendo 4.1 miyon persona di Siria na e sitio den peliger, e president di International Rescue Committee a adverti e siman aki.
David Miliband su comentarionan a bini mas di 2 siman despues cu U.N Security Council a fracasa den renoba e mandato di crusa frontera di Bab al-Hawa entre Siria cu Turkia, unda ta sigura ayudo pa personanan di Siria na e sitio.
E gran mayoria di persona den e area di Siria ta biba den pobresa y ta depende riba ayudo pa sobrevivi, un crisis cu a keda empeora pa e teremoto debastador cu a impacta parti di Turkia y Siria di un magnitud di 7.8 den februari. E teremoto a causa e fayecimento di 50,000 persona incluyendo 6,000 na Siria segun Nacionnan Uni . Esaki tambe a causa cu miles di otronan mester a muda.
E hendenan di noord-west di Siria no por wanta un otro ola di sufrimento, despues di a pasa door di e trauma di e teremoto,” Miliband a conta The Associated Press. El a urgi e conseho di siguridad pa “haci su trabao” y sigui cu e crusamento di e frontera humanitario. E Conseho anteriormente den juli no a logra adopta un di dos resolucion rival tocante e crusamento. Rusia, un aliado prominente di e gobierno di Siria na Damascus, a prohibi un resolucion cu a renoba e autorisacion pa crusa via Bab al-Hawa pa 6 luna. E paralisis tambe ta bini a causa di fatiga di e donadornan cu a causa cu tin recorte den e ayudo na ambos Siria y e otro paisnan cu ta anfitriona miyones di refugiado di Siria cu ta huy for di e conflicto andando, cual awo tin 13 aña.
Actualmente, Miliband a bisa cu e International Rescue Committee ta purbando di sigui cu su trabao via otro fronteranan y buscando otro manera pa logra hiba e ayudo na esunnan cu tin mester. “Nos punto di bista ta cu interferencia cu e puntonan humanitario ta posee un peliger severo na e eficacia y efectividad di e ayudo humanitario,” el a splica.
Adicionalmente, Merca a bisa dialuna cu nan a uni na donadornan grandi den demanda Nacionnan Uni den por hiba ayudo via Bab al-Hawa independientemente y na tur persona cu tin mester di esaki, cual ta un rechaso di e condicionnan cu Siria a pone, y cu tin e sosten di su aliado Rusia.
