Den un rapport recien publica, e Raad voor de Rechtshandhaving di Sint Maarten ta duna un relato di su inspeccion den e mantencion di ordo publico durante circunstancianan extraordinario y e rol cu e Cuerpo Policial di Sint Maarten (KPSM) tin den esaki. A base di su tarea statutorio y bao e responsabilidad di e minister di husticia, KPSM ta principalmente responsabel pa mantene ordo publico, tambe durante circunstancianan extraordinario.
Implementacion di ordo publico
Ordo publico y su mantencion ta esencial pa bida diario den sociedad avansa den un manera normal. Esaki ta mas berdad ainda den e evento di circunstancianan extraordinario, un desaster, of un crisis, debi na e impactonan serio cu esakinan por trece pa e sociedad. Basa riba e inspeccion, e raad a conclui cu un framework legal valido ta na ordo como un fundeshi pa mantene ordo publico, asistencia mutual y asistencia dentro di Reino y cooperacion internacional necesario y coordinacion durante circunstancianan extraordinario.
KPSM a desaroya un metodo integra pa accion special y riba scala grandi. E yamado “Staff Large-Scale and Special Action” (SGBO) ta un organisacion di proyecto pa e polis. E SGBO ta forma e fundeshi pa e trabao di KPSM y e varios forma di cooperacion den e contexto di mantencion di ordo publico durante circunstancianan extraordinario.
Den e inspeccion aki, e raad tambe a haya cu e capacidad di personal, material y finanzas di KPSM y otro organisacionnan di sosten no ta suficiente pa e conducimento autonomo di e tareanan den e contexto di ordo publico durante circunstancianan extraordinario. Esaki ta preocupa e raad pasobra e situacion aki ta nifica cu KPSM ta casi dependiente riba asistencia externo, sea for di organisacion local of di Reino. P’esey, den e contexto di seguridad publico, e raad ta kere cu e deficit den capacidad structural di KPSM ta rekeri atencion y priorisacion.
Debi na e dependencia di KPSM, limitenan na diferente organisacion assistente por tin un impacto riba implementacion durante circunstancianan extraordinario. P’esey e raad a inclui e limitenan di e organisacionnan aki den nan rapport. E raad ta nota cu varios organisacion envolvi den e inspeccion ta subraya e hecho cu nan personal por ta victima di un desaster of un crisis y e consecuencianan cu esaki tin pa e hendenan aki y e funcion di e organisacion. Den un sentido general, e raad ta preocupa tocante e hecho cu e gobierno a faya di percura seguro pa miembronan di e Cuerpo Boluntario Sint Maarten (VKS) pa cubri e riesgonan cu ta existi den e contexto di conduci nan actividadnan di asistencia.
Recomendacion
E raad ta considera e situacion actual como un menasa pa e funcion di KPSM y e seguridad di sociedad en general durante circunstancianan extremo. P’esey den e rapport, e raad a duna 10 recomendacion. Pa mehora e problemanan di capacidad structural den mantencion di ordo publico durante circunstancianan extraordinario ta central den e recomendacionnan. Den e perspectiva di e raad, esaki ta constitui di un fundeshi esencial pa mehora maneho di desaster y crisis durante circunstancianan extraordinario na Sint Maarten.
E rapport di inspeccion y otro publicacion di e raad ta disponibel digitalmente riba e website: www.raadrechtshandhaving.com.
Potret di Korps Politie Sint Maarten.
