(NLTimes)—Un Regenbooghuis ta plania pa habri na Amsterdam siguiente zomer, segun e municipio a anuncia ayera. E iniciativa aki ta diseña pa provee un luga safe unda miembronan margina di e comunidad LGBTQ+ por bin hunto pa conecta y organisa varios actividad.
Pa duna aporte na e proyecto, e ciudad ta proveyendo un subsidio di mas cu 200.000 euro. Segun Touria Meliani, Consehal di Amsterdam responsabel pa Arte y Cultura, Eventonan, Inclusion y politica Antidiscriminatorio, ta bay tin un deseo entre cierto grupo den e comunidad LGBTQ+ pa tin un luga safe y inclusivo pa reuni, comparti conocemento, y plan nan mesun evento.
E municipio a subraya cu hendenan di color LGBTQ+, personanan transgenero y esnan cu discapacidad frecuentemente sa enfrenta retonan manera buscando espacionan asina, cual ta haci e Regenbooghuis particularmente crucial pa adresa nan necesidadnan.
E Regenbooghuis lo ser localisa na e edificio di De Potgieter School na Amsterdam-West. Vanny Reyes, e presidente interim di Stichting Het Regenbooghuis, a bisa cu e Regenbooghuis ta importante pa hopi miembronan di e comunidad LGBTQ+ margina. “E gruponan aki no ta sinti nan mes sigur na cas den e ciudad. Pensa riba hobennan cu ta ser saca for di cas pasobra nan famia no ta acepta nan. Nan ta esnan cu mas mester di Regenbooghuis.”
