Ayera Inmigracion Aruba mediante un comunicado riba su rednan social a informa cu tin un website falso riba Internet pa loke ta trata Aruba su Online ED Card.
Di esaki, Inmigracion Aruba (IA), a informa cu nan kier alerta y proteha e personanan contra un website falso cu ta circulando actualmente riba internet. Por fabor, mester tene bon cuenta pa asina evita posibel engaño y/of perdida di informacion personal.
Aparentemente e website falso aki ta cobrando pa Aruba su Online ED Card. E website aki NO ta pertenece ni ta relaciona na e Online ED Card di Inmigracion Aruba (IA).
E website falso ta: https://www.embarkation-aruba.com/
Inmigracion Aruba (IA) ta enfatisa cu nan kier recorda tur persona cu e Online ED Card di Aruba ta completamente GRATIS, pues free of charge.
E website corecto ta: https://edcardaruba.aw/
