Whistleblower ta bisa Congreso cu Merca ta scondiendo programa “di varios decada” cu ta captura UFO

(AP) — Merca ta scondiendo un programa di hopi tempo cu ta captura y haci ingenieria inverso riba obhetonan bulado no-identifica (UFO na Ingles), segun un ex-oficial di inteligencia di Forsa Aereo a testigua ayera den Congreso. Pentagono a rechasa su acusacionnan.

Mayor retira, David Grusch su testimonio altamente anticipa dilanti di un subcomite di supervision di Congreso tabata e accion mas recien di e camara den mundo di UAP – of “fenomeno aereo no-identifica” – cual ta e termino oficial cu gobierno Mericano ta usa en bes di UFO. Mientras cu e estudio di aeronave of obheto misterioso hopi biaha ta evoca ideanan di “homber berde chikito,” Democrata- y Republicanonan den añanan recien a pusha pa mas investigacion como un asunto di seguridad nacional pa motibo di preocupacion cu loke pilotonan ta observa por ta vincula na adversarionan di Merca.

Na 2019, cabesante di un task force di gobierno riba UAP a pidi Grusch pa identifica tur programa altamente clasifica relaciona cu e mision di e task force. Na e momento ey, Grusch tabata detaya na e Oficina di Reconocemento Nacional, e agencia cu ta opera satelite spion Mericano.

“A informa mi den transcurso di mi debernan oficial di un programa pa recupera restonan di accidente di UAP y haci ingenieria inverso, na cual a nenga mi acceso,” el a bisa.

Contestando si gobierno Mericano tabatin informacion tocante bida extraterestre, Grusch a bisa cu Merca probablemente tabata na altura di actividad “no-humano” desde añanan 1930.

Pentagono a rechasa e acusacionnan di Grusch di un encubrimento. Den un declaracion, vocero di Departamento di Defensa, Sue Gough a bisa cu investigadornan no a descubri “ningun informacion verificable pa substancia declaracionnan cu cualkier programa relaciona cu posesion of ingenieria inverso di materialnan extraterestre a existi den pasado of ta existi actualmente.” E declaracion no a papia di UFO cu no ta sospecha di ta obheto extraterestre.

Grusch a bisa cu el a bira un whistleblower di gobierno despues di su descubrimento y a enfrenta represalia pa bin dilanti. El a nenga di bisa mas specificamente tocante e tacticanan di represalia, citando un investigacion andando. “E tabata hopi brutal y hopi desafortuna, algun di e tactica cu nan a usa a afecta mi tanto profesional como personalmente,” el a bisa.

Algun legislador a critica Pentagono pa no duna mas detaye den un sesion di informacion clasifica of publica imagennan cu por mustra na publico. Den audiencianan anterior, oficialnan di Pentagono a mustra un video saca for di un avion militar F-18 cu a mustra un imagen di un forma manera blaas.

Oficialnan di Pentagono na december a bisa cu nan a ricibi “varios centenar” di reportahe nobo desde cu a lansa un esfuerso renoba pa investiga UFO.

Whistleblower ta bisa Congreso cu Merca ta scondiendo programa “di varios decada” cu ta captura UFO

(AP) — Merca ta scondiendo un programa di hopi tempo cu ta captura y haci ingenieria inverso riba obhetonan bulado no-identifica (UFO na Ingles), segun un ex-oficial di inteligencia di Forsa Aereo a testigua ayera den Congreso. Pentagono a rechasa su acusacionnan.

Mayor retira, David Grusch su testimonio altamente anticipa dilanti di un subcomite di supervision di Congreso tabata e accion mas recien di e camara den mundo di UAP – of “fenomeno aereo no-identifica” – cual ta e termino oficial cu gobierno Mericano ta usa en bes di UFO. Mientras cu e estudio di aeronave of obheto misterioso hopi biaha ta evoca ideanan di “homber berde chikito,” Democrata- y Republicanonan den añanan recien a pusha pa mas investigacion como un asunto di seguridad nacional pa motibo di preocupacion cu loke pilotonan ta observa por ta vincula na adversarionan di Merca.

Na 2019, cabesante di un task force di gobierno riba UAP a pidi Grusch pa identifica tur programa altamente clasifica relaciona cu e mision di e task force. Na e momento ey, Grusch tabata detaya na e Oficina di Reconocemento Nacional, e agencia cu ta opera satelite spion Mericano.

“A informa mi den transcurso di mi debernan oficial di un programa pa recupera restonan di accidente di UAP y haci ingenieria inverso, na cual a nenga mi acceso,” el a bisa.

Contestando si gobierno Mericano tabatin informacion tocante bida extraterestre, Grusch a bisa cu Merca probablemente tabata na altura di actividad “no-humano” desde añanan 1930.

Pentagono a rechasa e acusacionnan di Grusch di un encubrimento. Den un declaracion, vocero di Departamento di Defensa, Sue Gough a bisa cu investigadornan no a descubri “ningun informacion verificable pa substancia declaracionnan cu cualkier programa relaciona cu posesion of ingenieria inverso di materialnan extraterestre a existi den pasado of ta existi actualmente.” E declaracion no a papia di UFO cu no ta sospecha di ta obheto extraterestre.

Grusch a bisa cu el a bira un whistleblower di gobierno despues di su descubrimento y a enfrenta represalia pa bin dilanti. El a nenga di bisa mas specificamente tocante e tacticanan di represalia, citando un investigacion andando. “E tabata hopi brutal y hopi desafortuna, algun di e tactica cu nan a usa a afecta mi tanto profesional como personalmente,” el a bisa.

Algun legislador a critica Pentagono pa no duna mas detaye den un sesion di informacion clasifica of publica imagennan cu por mustra na publico. Den audiencianan anterior, oficialnan di Pentagono a mustra un video saca for di un avion militar F-18 cu a mustra un imagen di un forma manera blaas.

Oficialnan di Pentagono na december a bisa cu nan a ricibi “varios centenar” di reportahe nobo desde cu a lansa un esfuerso renoba pa investiga UFO.