(LaPatilla) – E Sala Electoral di Tribunal Supremo de Justicia (TSJ) a anula e resultadonan di e comicio di Fedecamaras-Bolivar, despues di acepta un recurso introduci pa Jesus Angel Bruzual, e candidato cu a perde den e proceso.
Dia 16 di juni ultimo, a resulta electo e presidente nobo di e gremio, David Bermudez.
E decision di e sala ta basa riba cu tabatin un “resolucion di e Comite Disciplinario di Asociacion di Comerciante y Industrial di San Felix (Asocomercio San Felix), presenta dilanti di e hunta directiva corespondiente na e periodo di 2015-17 den cual a resolve pa expulsa Bermudez.”
Ademas di esaki tin un proceso den fiscalia cu ta invalida esaki, pa loke no ta cumpli cu statuut. Den e sentencia di TSJ, cual tabata bao encargo di magistrado Inocencio Antonio Figuero Arizaleta, a dictamina cu e directiva di e periodo anterior mester tuma posesion di su cargonan di nobo di forma provisional y den ehercicio di e funcionnan inherente na nan respectivo cargonan, pero solamente pa temanan administrativo.
No lo por “ehecuta actonan di disposicion te cu dicta e fayo.”
Tambe ta duna orden pa remiti e expediente na e husgado di sustanciacion di e sala, cu fin legal.
