(Infobae) – Gremio empresarial, manera Asociacion Empresario di Argentina (AEA), Union Industrial Argentina (UIA) Foro di Convergencia Empresarial y Bolsa di Comercio di Cordoba ta bati alarma pa impacto negativo pa produccion cu e ultimo medidanan economico cu Gobierno a introduci.
Den un comunicado AEA cu e titulo “mas medida no ta e caminda” a mustra su mal contento pa e aumento nobo di impuesto tributario “e biaha aki cu mas medida cu ta causa impacto riba e competitividad di exportacion y ta genera costo retroactivo riba importacionnan pauta caba.”
Di su parti, UIA a sigura cu esaki “ta limita ainda mas e acceso pa insumo necesario pa industria” y Foro di Convergencia Empresarial, un entidad cu tin mas di 60 camara empresarial y asociacionnan profesional, a defini como “un bloki di cement nobo” cu ta agrega na e peso di estado.
Nan a pidi un plan integral cu lo permiti “ordena macro economia y evita cu e costonan siga opera riba e sector formal.”
Fin di siman ultimo minister di Economia a anuncio un prijs di dollar nobo pa economia regional y maishi, scarsedad di e “dollar di spaar” y impuesto nobo pa un grupo di importacion cu lo por tin consecuencianan inmediato despues di su introduccion, como cu lo afecta competitividad di exportacion cu fletanan internacional den un marco di competitividad logistico internacional.
E situacion actual, causa principalmente pa desacuerdonan economico di gobierno, ta hopi grave: inflacion riba 120% pa aña, pobresa riba 40% y un scarsedad di reservanan internacional na Banco Central.
Nan a finalisa cu e medidanan aki ta duna un muestra cu e obhetivo principal di gobierno ta pa “dal un scop na e problemanan sin mustra ni un intencion di resolve nan,” y nan a pidi termina cu “intervencionismo di estado.”
