(TMZ) – Jamie Foxx a bolbe back dilanti camara pa prome biaha desde su crisis medico, y aparentemente e proceso di bolbe back grabacion tabata uno facil pa e veterano di Hollywood.
Fuentenan a conta TMZ cu Jamie a graba un comercial nobo pa BetMGM riba diaranson na Las Vegas despues di casi 4 luna den recuperacion y rehabilitacion. Aparentemente e tabata den un bon condicion cu ningun muestra di daño fisico.
Mirando e potretnan di tras di escena di e grabacion, e ta mustra sumamente enfoca riba su trabao mientras e tabata den e auto di careda di F1. Segun fuentenan, e comercial lo cuminsa pasa riba television prome cu e temporada nobo di NFL cuminsa.
Anteriormente, Jamie a publica un potret di e grabacion riba diahuebs, nombrando BetMGM y bisando “nos tin cosnan grandi ta bini pronto.” Su yiu muhe Corinne, a comparti tambe un potret di nan tras camara bisando cu e ta sumamente orguyoso di su tata.
Leyenda den e mundo di hockey Wayne Gretzky tambe a pasa un momento cu Jamie, pa motibo cu aparentemente su persona tambe ta den e comercial, y a describi e grabacion como “un di e miho anochi di su bida cu un di e persona mas grandioso. Tin cosnan grandi ta bini pronto.”
TMZ a reporta anteriormente cu a mira Jamie Foxx durante e luna, hungando na Top Golf, recuperacion tasnan perdi na Chicago y hungando den veld di Pickleball. Jamie tabata trahando riba un pelicula di Netflix na Atlanta den april ora cu e mester a bay hospital di emergencia pa un emergencia medico cu te ainda no a revela. Despues e actor a keda traslada na Chicago pa asina cuminsa cu un proceso largo di rehabilitacion.
