(NLTimes) – Ministerio Publico (OM) a comete un eror grandi mientras tabata investiga e abogado Inez Weski, ken ta acusa di yuda su ex cliente Ridouan Taghi comparti informacion desde e prizon di siguridad halto na Vught cu su contactonan den mundo fuera di prizon. E privilegio legal viola pa OM a keda revela durante audiencia na corte di Den Haag siman pasa segun loke Financiele Dagblad a reporta.
Privilegio legal ta regula cu e abogadonan por comunica cu nan clientenan sin cu nan ta cay victima na spionahe di autoridadnan pa asina por facilita un huicio husto. E ta considera un pilar den ley y viola e derecho aki ta considera un ofensa castigabel.
Ora di aresta Weski den april, OM a confisca un gran cantidad di documentonan confidencial for di su oficina. Esaki ta inclui su computer su hard drive, cual tabata yen di informacion confidencial for tocante e clientenan di e abogado cual ta cubri pa privilegio legal. Dia 24 di mei, e fiscal publico a comparti un reportahe oficial cu “informacion di e investigacion” 26Palma. E number codigo pa e investigacion tocante Weski, cu otro coleganan.
Segun Financiele Daglbad, el a haci esaki sin cu el a ricibi permiso for di e magestrado. Ora cu Huez a tende kico a tuma luga, e hues a bisa cu “obviamente esey no ta e intencion.” Fuentenan interno a conta Financiele Dagblad cu esaki ta trata “informacion cu OM kier investiga cu mas profundidad.”
