(NLTimes)—Den futuro, institucionnan kisas lo por solamente ofrece estudionan cu actualmente ta duna den Ingles si tin un bon motibo p’e. Minister di Educacion saliente, Robbert Dijkgraaf, a presenta un ley pa combati kico e Gabinete ta considera un exceso di internacionalisacion di educacion mas halto na Hulanda. E propuesta tambe ta bisa cu lo tin luga limita pa studiantenan cu ta bin pafo di Europa.
E minister su propuesta ta bisa cu un tercer di credito pa un curso por ser duna den un otro idioma cu no ta Hulandes. Programanan mester cumpli cu cierto rekisito si nan ta riba e limite ey. Dijkgraaf a manda e plan pa Parlamento caba na april pa asina tuma control di e problema di internacionalisacion. Awo el a elabora riba e plan, bisando cu programanan, studiante y otronan interesa por entrega nan opinion di e ley te cu dia 15 di september. Despues di esey, por discuti esaki cu otro departamento di gobierno.
Un di e aspectonan di su plan ta cu Hulandes mester keda e idioma mayor na universidadnan HBO y WO. Tambe ta conoci caba cu e minister kier implementa condicionnan pa por desvia di esaki. Dijkgraaf, of su sucesor lo evalua den futuro si e programanan di estudio por ofrece mas cu un tercer di credito pa curso den un otro idioma.
