(NTN24) – Presidente di Colombia, Gustavo Petro Urrego, a emiti un resolucion den cual ordena na autoridadnan di Gobierno pa usa un lenguahe “respetuoso” y di “disminucion di conflicto” ora lo referi na e grupo guerrillero Ehercito di Liberacion Nacional (ELN).
Segun e resolucion, “e referencianan cu lo haci di ELN na diferente acto administrativo realisa door di presidente di Republica ta bay haci tocante e reconocemento cu nan ta un organisacion arma rebelde.”
Esaki memey di e proceso di paz cu Gobierno ta adelanta cu e grupo guerrillero aki y cu te e fecha a culmina su di tres ciclo di negociacion na La Habana, Cuba.
E partinan a firma un acuerdo di alto al fuego den tres fase cu ta bay ehecuta di manera progresivo te dia 3 di augustus. E fecha aki ta crucial, ya cu for di e momento ey lo implementa stop na rivalidad, denomina den acuerdonan como Stop al Fuego Bilateral, Nacional y Temporal cu ta bay tin un duracion di 180 dia y por extende den acuerdo cu e partinan.
Mester menciona cu diferente accion terorista di ELN a ehecuta den marco di e cumplimento di Decreto 1117, cu ta compronde alto al fuego progresivo entre Gobierno y e grupo arma.
Pa Hernan Cadavid, miembro di Camara di Representante di Colombia, e mensahe cu Gobierno ta manda ta cu “si bo ta un criminal na Colombia, esey ta funciona.”
“E mensahe di fondo aki ta cu e criminal ta prevalece mas cu esnan cu ta cumpli cu deber constitucional, di Gobierno por mira e imput di protege ELN cu un stop bilateral,” Cadavid a menciona.
Francisco Santos ex-vicepresidente di Colombia a argumenta cu e declaracion aki di e presidente “ta parce no reconoce cu ELN ta un organisacion diferente, na un organisacion narcotraficante, ta un berguensa cu tur e victima y cu nos Forsa Militar.”
