(RFI) – Corte Internacional di Husticia (CIJ) ayera 13 di juli a rechasa e pretension di Nicaragua contra Colombia pa amplia su plataforma continental den Caribe, un zona cu hopi recurso di pesca y petroleo.
Huesnan di corte maximo di ONU, cu sede na Den Haag, a rechasa cu diestres voto contra cuatro, e argumentonan di Nicaragua contra un sentencia di 2012 den cual a otorga un extension grandi su zona maritimo den Caribe, pero sin bay mas leu di 200 miya nautico cu ta cubri e zona economico exclusivo di shete isla Colombiano.
E presidente di Colombia, Gustavo Petro, a celebra un “victoria grandi pa Colombia na Den Haag.”
“CIH no a acepta e pretension di Nicaragua pa expande nan plataforma continental. Nos ta espera cu e fayo aki cera e controversia limitrofe y nos ta bay hiba e desaroyo sostenibel na nos archipielago,” Petro a afirma for di San Andres un di e zona di e Caribe cu tabata den e debate.
Nicaragua tabata reclama delimita su plataforma continental den Caribe, argumentando derechonan tocante e area y subsuelo marino mas leu di 200 miya nautico estableci pa derecho internacional.
Sinembargo e extension ey por supone un duplicado riba e plataforma continental di Colombia na archipielago di San Andres.
Nicaragua a defende asina tanto e derecho adkiri como articulo 76 di Convencion di ONU riba Derecho di Lama cu ta ofrece un cobertura legal na su demanda.
Pero Colombia, cu no a ratifica e convenio aki, a argumenta cu Managua “no a demostra cientificamente cu tin un plataforma continental” cu ta extende mas leu cu 200 miya.
“Den esaki ta den wega areanan maritimo cu hopi biodiversidad, recursonan pa pesca, un paisahe, pero tambe recursonan natural” como gas y petroleo, Nicolas Boeglin docente di Derecho Internacional Publico di Universidad di Costa Rica a bisa.
E proceso pa e espacio hopi solicita aki a cuminsa for di 1928, ora ambos pais a firma un tratado cu a reconoce e soberania di Colombia riba e archipielago di San Andres.
Managua ta reconoce cu e acuerdo aki no tin validez, a presenta un prome demanda na CIJ na 2001, cu a keda resolvi na 2012 ora tribunal a otorga un area di aproximadamente 75.000 kilometer cuadra di Caribe, pero a ratifica cu soberania di Colombia riba e archipielago.
Di e forma aki, e fayo a laga e islanan Colombiano rondia di awanan teritorial nicaraguense, un situacion cu a causa un otro debate pa presencia di barconan Colombiano den e zona.
Debi na e sentencia di 2012, gobierno Colombiano a retira for di e Pacto di Bogota, un instrument cu precisamente ta reconoce e hurisdiccion di CIJ pa e tipo di controversia aki.
