(AP) – Mayoria di adulto Mericano, incluyendo esnan bibando den estadonan cu limitenan mas estricto riba aborto, kier pa esaki ta legal al menos durante e etapanan inicial di embaraso, segun un encuesta nobo for di The Associated Press-NORC Center for Public Affairs Research a confirma.
A haci e encuesta na juni, un aña despues cu Corte Supremo Mericano a anula Roe v. Wade, deshaciendo un derecho nacional pa aborto cu tabata na lugar pa casi 50 aña. Esaki ta yega mientras legisladornan estatal den estadonan lidera pa Republicanonan a move pa limita acceso na aborto drasticamente, y mientras candidatonan presidencial Republicano ta duda con pa aborda e asunto.
Mientras cu leynan a cambia durante ultimo aña, e encuesta ta haya cu opinionnan riba aborto ta keda casi igual cu nan tabata un aña atras: compleho, cu mayoria di hende keriendo cu mester permiti aborto den algun circunstancia y no den otronan. En general, como dos tercer parti di Mericano ta bisa cu generalmente aborto mester ta legal, pero apenas como un cuarta parti ta bisa cu semper mester ta legal, y solamente un di cada dies ta bisa cu semper mester ta ilegal.
Pa 24 siman di embaraso, mayoria di Mericano ta kere cu nan estado generalmente no mester permiti aborto.
E encuesta a haya cu un di cada dies Mericano ta bisa cu nan conoce un persona cu sea no a logra haya un aborto of cu mester a biaha pa haci un aborto den ultimo aña desde cu Corte Supremo a anula Roe v. Wade – y esaki ta specialmente comun entre hende jong, hende color scur, y esnan bibando den estadonan unda aborto ta prohibi den tur etapa di embaraso.
